اکثر لوگ اپنے خلوص کے باوجود دوسروں کے برے رویے جھیلتے ہیں۔ ایسا ہی ایک واقعہ میکسیکو میں پیش آیا جہاں اوزیل مارٹینز نامی شخص نے اپنی دوست کی والدہ کی جان بچانے کی خاطر اپنا گردہ دے دیا لیکن اس درجہ خلوص کے باوجود مارٹینز کی دوست نے ٹھیک ایک ماہ بعد کسی اور سے شادی کرلی۔
اطلاعات کے مطابق اوزیل پیشے کے اعتبار سے استاد ہیں انھوں نے ٹک ٹاک ویڈیو میں بتایا کہ انھوں نے اپنی دوست کی والدہ کی جان بچانے کے لئے اپنا گردہ تک دے دیا لیکن ان کی دوست نے کسی اور سے شادی کرلی۔ ایک اور ویڈیو میں اوزیل کا کہنا تھا کہ وہ اب ٹھیک ہیں۔ وہ اور ان کی دوست اب ساتھ نہیں ہیں لیکن پھر بھی وہ ان سے نفرت نہیں کرتے البتہ لوگ رشتوں میں ایسی غلطی نہ کریں“
اوزیل کی ویڈیوز وائرل ہوچکی ہیں اور سوشل میڈیا پر لوگ ان سے ہمدردی کا اظہار کررہے ہیں۔