کراچی کے علاقے حب چوکی کے قریب ایک نجی کاٹن کمپنی میں دھماکے سے 11 افراد زخمی ہوئے ہیں۔ اے آر وائی نیوز سے ملنے وای اطلاعات کے مطابق دھماکہ گیس لیکج کی وجہ سے ہوا ہے۔
دھماکے کے بعد کمپنی کے دروازے بند کرلئے گئے ہیں ۔ زخمیوں میں اصل ولد میر بادشاہ، تنویر ولد مشتاق، ساجد علی ولد حطب علی، ناصر ولد علی خان، محسن ولد حیات، محمد اعظم ولد غلام یاسین، ذوالفقار ولد بلال، صداقت ولد عثمان شامل ہیں جبکہ باقی زخمیوں کی شناخت کا سلسلہ ابھی جاری ہے۔ امدادی ٹیموں نے زخمیوں کو طبی امداد کے لئے سول اسپتال منتقل کردیا ہے۔