ہر کسی نوجوان کا یہ خواب ہوتا ہے کہ اس کی موٹر سائیکل بہترین سے بہترین لگے اسی لیے لڑکے اکثر اپنی موٹر سائیکلوں پر مختلف قسم کی لائٹس وغیرہ لگواتے ہیں لیکن اب ایک ایسی ویڈیو سامنے آئی ہے۔
جس میں ہم دیکھ سکتے ہیں کہ کسی لڑکے نے خطرناک بیل کے سر سے موٹر سائیکل کا ہینڈل ہی بنالیا۔
ہوا کچھ یوں کہ مذکورہ لڑکا مکینک کے پاس گیا جس نے محفوظ کیے ہوئے بیل کے سر میں روئی وغیرہ بھر کر اسی موٹر سائیکل کے ہینڈل پر لگا دیا۔
اور اس مہارت سے لگایا کہ بیل کی آنکھوں کی جگہ پر لائٹ آ گئی اور کانوں کے پاس 2 بڑی بڑی لائٹس لگا دی گئیں یہی نہیں بلکہ اس کے سینگوں سے موٹر سائیکل میں اور بھی زیادہ خوبصورتی پیدا ہو گئی۔
یہ ایک 125 موٹر سائیکل ہے اور ویڈیو کو بغور دیکھنے کے بعد اندازہ ہوتا ہے کہ یہ ویڈیو پاکستان کی ہے پر یہ معلوم نہیں کہ پاکستان کے کس شہر کی ہے۔
اس ویڈیو کے منظر عام پر آنے کے بعد یہ تاثر بھی لیا جا رہا ہے کہ یہ سر اس لڑکے کے قربانی کے جانور کا ہوگا تو اس نے اسے ایسے ہی استعمال کر لیا۔
اس ویڈیو کو اب تک 10 لاکھ لوگ دیکھ چکے ہیں اور 4 ہزار لوگ اسے پسند بھی کر چکے ہیں یہی نہیں بلکہ ڈیڑھ ہزار لوگ اس پر اپنی قیمتی رائے کا بھی اظہار کر چکے ہیں۔