اولاد کا دکھ دنیا میں سب سے بڑا دکھ ہوتا ہے اس لیے ہر والدین کی یہ خواہش ہوتی ہے کہ اس کا بچہ دنیا میں صحت مند آئے لیکن سندھ کے شہر سکھر میں ایک ایسا بچہ بھی پیدا ہوا ہے جس کی 6 ٹانگیں ہیں۔
بچے کے والد کا نام عمران شیخ ہے جو کہ ایک اسپتال میں ایکسرے ٹیکنیشن ہیں اورانکا کہنا ہے کہ بچے کی پیدائش پر خوش تو بہت ہوں کیونکہ شادی کے 4 سال بعد اللہ پاک نے انہیں اولاد عطا کی ہے، مگر پریشان ہیں کہ اب اس کی زندگی کا کیا ہو گا۔
ڈاکٹرز کے مطابق ویسے تو یہ بچہ بالکل صحت مند ہے لیکن اگر اس طرح کا بچہ پیدا ہو تو ایسا جینیاتی بیماری کی وجہ سے ممکن ہوتا ہے مگریہ بیماری ہر کسی بچے کو نہیں بلکہ لاکھوں میں سے کسی ایک بچے کو ہوتی ہے۔
مزید یہ کہ سکھر کے ڈاکٹر وں کا کہنا تھا کہ یہ ایک چھوٹا شہر ہے اور بچے کی 6 ٹانگوں کا آپریشن یہاں نہیں ہو سکتا اس کیلئےاسے کراچی لے جائیں۔
جس پر گھر والے بچے کو لیکر نیشنل انسٹیٹوٹ آف چائلڈ ہیلتھ کراچی پہنچ گئے۔ جہاں 2 گھنٹوں کی طویل جدوجہد کے بعد بچے کی اضافی ٹانگوں کا آپریشن کر دیا گیا اور آپریشن کے بعد بچہ اب بالکل ٹھیک ہے اور ہنسی خوشی زندگی بسر کر رہا ہے۔