آج بھی لوگ لڑکیوں کو کم تر سمجھتے ہیں یہی وجہ ہے کہ ہمیشہ لڑکی کی بجائے لڑکا پیدا ہوانے کی خواہش رکھتے ہیں، اب اسی طرح کا ایک واقعہ سامنے آیا ہے۔
جس میں ایک عورت کے سرپر صرف اس لیے جعلی عامل نے کیل ٹھوک دیا کہ اس سے تمہارے گھر لڑکا پیدا ہو جائے گا۔
یہ افسوسناک واقعہ پاکستانی شہر پشاور میں پیش آیا۔ اس واقعے کے بعد عورت کے سر پر انتہائی گہری چوٹ آئی تو اسے لیڈی ریڈنگ اسپتال لایا گیا جہاں اس کے سر کی سرجری کر کر کیل نکال دیا گیا۔
اسپتال کے نیورو سرجن ڈاکٹرحیدر کا کہنا تھا کہ خاتون حاملہ ہے اور میں نے جب اس معاملے سے متعلق خاتون سے پوچھا تو اس نے جواب دیا کہ تمام معاملے کا زمہ دار میرا خاوند ہے اور اس نے دوسری شادی بھی کر رکھی تو اسی وجہ سے زیادہ تر گھر بھی نہیں آتا۔
مزید یہ کہ خاوند کو بیٹے کی خواہش تھی اگر بیٹا پیدا نہیں ہوتا تو وہ مجھے گھر سے نکال دیتا۔ ساتھ ہی ساتھ یہ بھی کہا کہ بیٹے کی خواہش پوری کرنے کیلئے جب میں نے محلے میں ایک عورت سے بات کی تو اس نے مجھے اس عامل کا بتایا کہ ان کے عمل سے ہی میرے گھر بھی بیٹا پیدا ہوا ہے۔
تو تم بھی ان کے پاس جاؤ۔ مختصراََ میں نے یہ سب کچھ اس لیے کیا کہ میرا بھی بیٹا پیدا ہو تا کہ خاوند مجھے گھر سے نا نکالے۔