قومی اسمبلی کے ڈپٹی اسپیکر قاسم سوری کی جانب سے تحریک عدم اعتماد مسترد کیے جانے کے بعد سپریم کورٹ کے چیف جسٹس عمر عطا بندیال نے ازخودنوٹس لیتے ہوئے کیس کی سماعت کی۔
سپریم کورٹ نے ریاستی اداروں کو ماورائے قانون کوئی بھی قدم اٹھانے سے روک دیا ہے۔ عدالت کا کہنا ہے کہ سپریم کورٹ خود ڈپٹی اسپیکر قاسم سوری کے اقدامات کا جائزہ لے گی اور عدالت کا فیصلہ ہی حتمی ہوگا تب تک حکومتی ادارے اور سیاسی جماعتیں اس صورت حال سے فائدہ نہ اٹھائیں۔