ْپاکستانی شوبز انڈسٹری میں اکثر ستاروں نے اپنے چہروں کی سرجری کروا رکھی ہیں مگر اس طرح کا واقعہ یہ پہلی مرتبہ سامنے آیا ہے کہ ایک مشہور و معروف اداکار نے اپنی والدہ کی ہی چہرے کی سرجری کر ڈالی۔

اس اداکار کا نام فہد مرزا ہے جو اداکارہ ثروت گیلانی کے شوہر ہیں۔ اپنے آفیشل انسٹا گرام اکاؤنٹ پر فہد مرزا نے والدہ کی سرجری سے پہلے اور بعد کی ایک تصویر کی اسٹوری شیئر کرتے ہوئے کہا کہ۔

انہوں نے والدہ کے چہرے کو فیٹ گرافٹنگ سرجری کرنے کے بعد ٹرانسفارم کیا، اس کے علاوہ اداکار نے مذاحیہ انداز میں یہ بھی کہا کہ "ماں کی خدمت کر رہا ہوں، یقیناََ یہ خدمت ماں کے پاؤں کے مساج کو مات دے دے گی"۔

فیٹ گرافٹنگ سرجری ہوتی کیا ہے؟

اس طرح کی سرجری میں جسم کے حصوں جیسے پیٹ، رانوں اور چہرے پر اضافی چربی کو ختم کر دیا جاتا ہے تو اس طرح جسم کا وہ حصہ ٹرانسفارم ہو جاتا ہے۔

واضح رہے کہ فہد مرزا ایک اداکا ر ہونے کے ساتھ ساتھ کاسمیٹولوجسٹ ڈاکٹر بھی ہیں، انہوں نے 2012 میں ڈرامہ سیریل بڑی آپا سے اپنے شوبز کئیریر کئیریر کا آغاز کیا، پھر مٹھی بھر مٹی اور میں دیوانی جیسے کامیاب ڈراموں میں بھی کام کیا۔