کراچی کے علاقے صدر میں زور دار دھماکے سے ایک شخص جاں بحق جبکہ اب تک کی اطلاعات کے مطابق 8 افراد زخمی ہوچکے ہیں۔ دھماکے کی وجہ سے گاڑیاں تباہی ہوگئی ہیں۔
دھماکہ مرشد بازار کے قریب کچرا کنڈی میں ہوا۔ پولیس ذرائع کے مطابق دھماکہ خیز مواد کچرے کے ڈبے میں رکھا ہوا تھا جو کہ اتنا شدید تھا کہ اس سے 6 گاڑیاں تباہ ہوگئیں۔ قریبی عمارتوں کے شیشے بھی ٹوٹ گئے۔ دھماکے کے بعد پولیس اور رینجرز کی بھاری نفری موقع پر پہنچ گئی ہے۔ سیکیورٹی حکام کا کہنا ہے کہ دھماکے کی نوعیت کا تعین کیا جا رہا ہے۔
زخمیوں کے جسم پر بال بیرنگ کے نشانات ملے ہیں۔