گوجرانوالہ میں کوٹ لدھا کے قریب خوفناک ٹریفک حادثہ پیش آیا جہاں 2 مسافر وین سڑک پر کھڑے خراب ڈمپر سے ٹکرا گئیں جس کی وجہ سے ایک ہی خاندان کے 12 افراد جاں بحق ہوگئے جبکہ 10 زخمی ہوگئے جن میں سے 5 افراد کی حالت تشویشناک ہے۔
پولیس ذرائع کے مطابق
حادثہ تیز رفتاری کی وجہ سے پیش آیا۔ اس
حادثے کا شکار ہونے والے افراد سرگودھا میں دربار پر حاضری کے بعد اپنے آبائی شہر گوجرانوالہ واپس آرہے تھے کہ وین ڈمپر سے ٹکرا گئی۔
حادثے کی اطلاع ملتے ہی ریسکیو ٹیمیں اور پولیس جائے حادثہ پر پہنچ گئیں۔ لاشوں اور گاڑیوں میں پھنسے زخمیوں کو نکال کرڈسٹرکٹ ہیڈ کوارٹراسپتال منتقل کردیا گیا۔
ہسپتال ذرائع کے مطابق دونوں وینز میں 28 افراد سوار تھے۔ جاں بحق ہونے والوں میں 6 خواتین بھی شامل ہیں۔