راولپنڈی: شمالی وزیرستان کے ضلع بویا میں آپریشن کے دوران سیکورٹی فورسز کے 5 اہلکار شہید ہوگئے جبکہ مقابلے میں 4 دہشت گردوں کو جہنم رسید کردیا گیا۔
آئی ایس پی آر کے مطابق شمالی وزیرستان کے ضلع بویا میں سیکورٹی فورسز نے انٹیلی جنس کی بنیاد پر آپریشن کیا اور فورسز کی فائرنگ سے 4 دہشت گرد ہلاک ہوگئے۔
مارے گئے دہشت گرد سیکورٹی فورسز کے خلاف دہشت گردی کی کارروائیوں اور معصوم شہریوں کے قتل میں ملوث تھے، ہلاک دہشت گردوں کے قبضے سے اسلحہ اور گولہ بارود بھی برآمد ہوا ہے۔
آئی ایس پی آر کے مطابق کیپٹن عبدالولی (عمر 26 سال، رہائشی وانا/جنوبی وزیرستان)، نائب صوبیدار نواز (عمر 45 سال، ساکن ایبٹ آباد)، حوالدار غلام علی (عمر 34 سال، رہائشی سرگودھا)۔ لانس نائیک الیاس (عمر 33 سال، میانوالی کا رہائشی) اور سپاہی ظفر اللہ (عمر 29 سال، ساکن میانوالی) نے بہادری سے لڑتے ہوئے شہادت نوش کیا۔
آئی ایس پی آر کا کہنا ہے کہ پاک فوج دہشت گردی کی لعنت کے خاتمے کے لیے پرعزم ہے اور ہمارے بہادر جوانوں کی ایسی قربانیاں رائیگاں نہیں جائیں گی۔