سوشل میڈیا پر سیلاب زدگان کی امداد کے لیے ہر ایک شخص آگے آ رہا ہے، ایسے میں کمشنر کراچی اور ان کی اہلیہ بھی آگے آگے ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
کمشنر کراچی محمد اقبال میمن اور ان کی اہلیہ عائشہ میمن کی جانب سے بھی سندھ بھر میں سیلاب میں متاثر ہونے والے افراد کے لیے انتظامات کیے گئے۔
کمشنر ہاؤس میں کمشنر کراچی اور ان کی اہلیہ کی جانب سے سیلاب زدگان کے لیے تکیے تیار کیے جا رہے ہیں، اس سب میں اہلیہ عائشہ میمن بھی انسانیت کے اس عظیم کام میں اپنا حصہ ڈال رہی ہیں۔
اپنی ٹیم کے ہمراہ عائشہ میمن نے گھر ہی میں سلائی مشینیں منگوا لیں، درزیوں کے ساتھ خود بھی تکیے سی رہی تھیں۔
دوسری جانب عائشہ میمن کی سیلاب زدگان کے ساتھ ایک اور ویڈیو بھی وائرل ہے جس میں وہ خواتین کے دکھوں کو کم کرنے کی کوشش کر رہی ہیں، ان کی مشکالات کو سن رہی ہیں اور ان کے دکھوں پر مرہم رکھنے کی کوشش کر رہی ہیں۔