ملک پاکستان کے رہنے والے اس وقت سیلاب کی تباہ کاریوں سے پریشان ہیں تو دوسری طرف قوم کی اس بیٹی نے تو پتھر سے پتھر دل افراد کو بھی رونے پر مجبور کر دیا ہے۔
ہوا کچھ یوں کہ ایک مقامی رپورٹر نے بچوں کے گروہ میں موجود ایک بچی سے کھانے سے متعلق سوال کیا جس کے جواب میں معصوم بچی کہتی ہے کہ ہم کوئی بکتے تو نہیں ہیں جو ہمیں یوں کھانا پھینک کر دیتے ہیں۔
انسان ہیں ہم اور یوں تو کوئی کسی کتے کے ساتھ بھی نہیں کرتا اور تو اور اس بچی کا یہ بھی کہنا تھا کہ ہمیں جو امداد کی صورت میں کپڑے دیے جاتے ہیں وہ بھی یوں ہی دیے جاتے ہیں۔
اس کے علاوہ اس سے پہلے بھی کئی ایک ویڈیو سامنے آئی ہیں جسے دیکھ کر اندازہ
ہوتا ہے کہ سیلاب متاثرین کو دو وقت کی روٹی کیلئے کتنی محنت کرنی پڑ رہی ہے۔
جیسا کہ کبھی تو سیلاب متاثرین نے سامان بٹنے کا انتظار ہی نہ کیا اور ٹرک پر سے
سارا سامان لوٹ لیا تو دوسری طرف کوئی طاقتور شخص منرل واٹر سے اپنے جوتے صاف کرتا نظر آیا۔
واضح رہے کہ اب تک ملک میں پاک فوج اور دیگر فلاحی تنظیمیں متاثرین کی فلاح و بہبود کیلئے دن و رات کوشاں ہے۔