گزشتہ دنوں سیلاب کے ہاتھوں جان سے جانے والے 4 چچاذاد بھائیوں کی وائرل تصویر تو سب نے ہی دیکھی ہے۔ ان پانچ نوجوانوں میں سے ایک تو زندہ بچ گیا البتہ باقی 4 بھائیوں کی جان نہ بچا سکی۔ افسوس کی بات تو یہ ہے کہ حکومت نے اس دل دہلا دینے والے واقعے سے بھی کوئی سبق نہیں سیکھا۔ مرنے والے ان 4 بھائیوں کی بیوائیں اور بچے اب بے بس اور بے سہارا کھلے آسمان تلے زندگی گزارنے پر مجبور ہیں۔
ویڈیو میں دیکھا جاسکتا ہے کہ خاندان کے لوگ کس طرح کھلی چھت تلے رہنے پر مجبور ہیں۔ مرنے والوں کے عزیز کا کہنا ہے کہ ان کے بھائیوں کو ہیلی کاپٹر بھیج کر بچایا جاسکتا تھا لیکن اس وقت کسی نے مدد نہیں کی جس کی وجہ سے ان کے بھائی دنیا سے چلے گئے۔
کوہستان سے آئے اس خاندان کے لوگوں کا کہنا ہے کہ ایک کمرے تلے 6 خاندان نہیں رہ سکتے اس لئے وہ کھلی چھت کے نیچے رہنے پر مجبور ہیں۔ مرنے والوں کے بچے اور بیوائیں بھی کوہستان سے ہجرت کر کے سوات میں پناہ کی تلاش میں آئی ہیں لیکن اس مظلوم خاندان کی داد رسی کرنے والا کوئی نہیں ہے۔