آج کل کی شادیاں پہلے کی شادیوں کی طرح سادہ سی نہیں ہوتیں بلکہ اب مختلف چیزیں اور رسومات شامل کر کے شادی کے دن کو یادگار بنایا جاتا ہے۔ جیسا کہ آج کل کی شادیوں میں دولہا دلہن کی دروازے سے انٹری کی جاتی ہے جسے لوگ اپنی نشستوں سے بیٹھ کر انجوائے کرتے ہیں اور ویڈیوز بناتے ہیں۔
وہیں غیر ملکی شادیوں میں بھی دولہا اور دلہن کی انٹری کی جاتی ہے کہ دیکھنے والے دنگ رہ جائیں۔ ایک ایسی منفرد شادی کی انٹری سامنے آئی ہے جس میں یہ سمجھنا مشکل ہوجائے کہ خوشی منانی ہے یا پھر دکھ۔
جی ہاں! امریکا میں ہونے والی شادی میں دولہا کی انٹری کی گئی وہ بھی کسی گھوڑے یا گاڑی میں نہیں بلکہ ایک تابوت میں رکھ کی گئی کہ مدعو کیے گئے مہمان کی آنکھیں کھلی کی کھلی رہ گئیں۔
شادی میں آئے مہمانوں کے درمیان سے چند افراد دولہے کے تابوت کو لیکر ان کے درمیان سے گزرے تو وہ پریشان ہی ہوگئے۔ کالے رنگ کے تابوت کے اندر دولہے کو لایا گیا۔
شادی میں شرکت کرنے والے مہمان تابوت کو دیکھ کر یہ سمجھے کہ اِس کے اندر کسی کی لاش ہے، تاہم جب انہوں نے تابوت میں سے دولہے کو نکلتے دیکھا تو انہیں بالکل یقین نہ آیا کیونکہ ان کے ذہنوں میں یہ خیال دور دور تک نہیں تھا۔
خیال رہے اس وائرل ویڈیو کو لاکھوں افراد دیکھ چکے ہیں۔