یوں تو کوریا کی بہت سی چیزیں مشہور ہیں لیکن وہاں کی شادی بیاہ کی رسومات کے حوالے سے لوگ بہت کم جانتے ہیں۔ اس آرٹیکل میں آپ کو وہاں کے شادی کے دن ہونے والی حیرت انگیز اور دلچسپ رواجوں کے بارے میں بتایا جائے گا۔

دلہن کو بطخ کیوں دی جاتی ہے؟

یہ قدیم زمانے کی روایت ہے جو ابھی بھی جاری ہے۔ پہلے دلہا اپنی ساس کو جنگلی بطخیں دیتا تھا جس کا مطلب تھا دلہا کی نیت اچھی ہے اور وہ اپنی ہونے والی دلہن سے مخلص ہے۔ اب اصلی کے بجائے لکڑی کی بطخ دلہن کو مضبوط رشتےاور خوش قسمتی کی علامت کے طور پر دی جاتی ہے۔

دلہا کے پیروں کی پٹائی

شادی کے دن دلا اس وقت تک اپنی دلہن کو ساتھ لے کر نہیں جاسکتا جب تک اس کے پیروں کو باندھ کر لکڑی کی چھڑٰ سے اس کے پیروں پر جی بھر کے پٹائی نہ کی جائے۔ یہ رسم ساؤتھ کوریا میں ادا کی جاتی تھی۔ دلہا جتنی دیر تک مار کھا لے اس کو اس کے کردار کی مضبوطی سے تشبیہہ دی جاتی تھی۔

دلہا دلہن کی میز

شادی کے دن دلہا دلہن کی میز کو مختلف چیزوں سے سجایا جاتا ہے مگر ہر شے کا ایک مقصد ہوتا ہے اور وہ اسی مقصد کے تحت رکھی جاتی ہے۔ ایک تانبے کا پیالہ ہوتا ہے جس میں دلہا دلہن کا ہاتھ دھلایا جاتا ہے اس سے مراد پاکیزگی اور تمام بیماریوں سے نجات لی جاتی ہے۔ بانس کا مطلب وفاداری اور کھجور اور شاہ بلوط سے مراد نوبیاہتا جوڑے کے ہونے والے بچوں سے لی جاتی ہے۔