جس لمحے مکہ پہنچا میری آنکھوں سے خوشی کے آنسو بہہ نکلے۔ میں نے پوری دنیا کے لوگوں کی لمبی عمر، خوشیوں، امن اور حفاظت کے لئے اللہ سے بہت دعائیں کیں۔ اللہ سب سے بڑا ہے۔"
یہ خوبصورت الفاظ ہیں ڈی جے خالد کے جو مکہ میں مائیک ٹائسن اور ان کے والد کے ساتھ عمرے کی ادائیگی کررہے ہیں۔ ویڈیو دیکھیں
ویڈیو میں دیکھا جاسکتا ہے کہ ڈی جے خالد کی آنکھوں میں آنسو ہیں اور سامنے خانہ کعبہ موجود ہے۔ ان کے ساتھ ماضی کے مشہور باکسر مائیک ٹائسن بھی موجود ہیں جنھیں وہ اپنا بھائی مانتے ہیں۔ مائیک ٹائسن نے بھی اپنے انسٹاگرام کی اسٹوری پر ڈی جے خالد کے ہمراہ احرام پہنے ہوئے تصویر شیئر کی ہے۔
واضح رہے کہ امریکی باکسر مائیک ٹائسن 1992 میں اسلام قبول کرچکے ہیں۔