نماز کی ادائیگی بے شک ایک عظیم عمل ہے اور جو نماز کو مسلسل اپنا دوست بنا لیں دنیا میں اس شخص سے زیادہ خوش قسمت انسان اور کوئی نہیں ہوسکتا ہے۔
دنیا میں کئی ایسے انسان گزرے ہیں اور آج حیات بھی ہیں جنہوں نے اپنی زندگی میں ایک بھی نماز قضاء نہیں کی انہی میں ایک اللہ کے نیک بندے کے بارے میں آج ذکر کریں گے جس نے چالیس سال میں ایک نماز نہیں چھوڑی۔ اس بندے کی اللہ سے محبت کا اندازہ آپ لگا سکتے ہیں۔
نماز سے محبت کرنے والے شخص کا نام شیخ معلوم ہوا ہے اور اسے دنیا سے گزرے 3 سال ہوچکے ہیں۔ پاکستان ریپبلک کی رپورٹ کے مطابق اس شخص کی کوئی اولاد نہیں تھی اور اس کی بیوی فوت ہوچکی تھی، اس نے 40 سال تک مسجد میں ایک بھی نماز نہیں چھوڑی۔
بتایا جاتا ہے کہ جولائی 2019 میں یہ مسجد میں نماز جمعہ کے دوران انتقال کر گئے تھے اور سب نے ان کی نماز کی حالت میں وفات کی تصدیق کی تھی۔
تقریباً 40 سال قبل یہ شیخ نماز ہونے سے پہلے ایک مسجد میں آئے اور امامِ مسجد سے کہا کہ اگر میں مسجد میں لگاتار دو نمازیں نہ پڑھوں تو سمجھ لینا کہ میں اپنے گھر میں مر گیا ہوں۔
مذکورہ شخص کا تعلق کس مسلم ممالک سے تھا یہ معلوم نہ ہوسکا، تاہم سوشل میڈیا صارفین اس شخص کی اللہ اور نماز سے محبت کو دیکھ کر خوب متاثر ہو رہے ہیں۔