امریکی صدر ڈونلڈ ٹرمپ نے کہا ہے کہ وہ گرین لینڈ کے معاملے پر ایسا قدم اٹھائیں گے جو نیٹو اور امریکا دونوں کے لیے فائدہ مند ہوگا۔
ایک بیان میں صدر ٹرمپ نے کہا کہ نیٹو کے لیے امریکا کے بغیر یہ تنظیم اتنی مضبوط نہیں ہو سکتی، اور نیٹو کے لیے جتنا کام میں نے کیا کسی اور شخص یا صدر نے نہیں کیا۔ انہوں نے مزید کہا کہ اگر میں تعاون نہ کرتا تو آج نیٹو تاریخ میں محض راکھ کا ڈھیر ہوتا۔
صدر ٹرمپ نے سابق وینزویلا صدر نیکولس مادورو سے جیل میں ملاقات کرنے میں دلچسپی نہ رکھنے کا بھی اظہار کیا۔
ٹیرف کے معاملے پر صدر نے کہا کہ سپریم کورٹ کس طرح کا فیصلہ دیتی ہے، یہ ابھی معلوم نہیں، اور اگر کیس ہار گئے تو سیکڑوں ارب ڈالر کے ٹیرف واپس کرنے پڑ سکتے ہیں۔ ان کا کہنا تھا کہ ٹیرف قانونی طور پر نافذ کیے گئے ہیں اور اب ان کی وصولی واپس کرنا مشکل ہوگا۔