بیٹی چھوٹی ہو یا بڑی اسے ایک بات معلوم ہوتی ہے کہ زندگی کے مشکل لمحات میں سب چھوڑ جائیں گے پر اس کے والدین ہمیشہ دیوار بن کر اس کے ساتھ رہیں گے۔
یہی وجہ ہے کہ ایک ایمان افروز واقعہ اس وقت خوب گردش کر رہا ہے جس میں چھوٹی سی بچی اپنی زندگی کے آخری دن مرنے سے بچ گئی۔
ہوا کچھ یوں کہ لندن کے رہنے والے جوڑے رنیچسکا اور لی مور ولیمز کے ہاں اللہ پاک نے بڑی ہی دعاؤں سے بیٹے کے بعد ایک پھول سی بیٹی دی جس کے پیدائش پر پورا خاندان خوش تھا۔
مگر 8 ماہ بعد ہی اچانک ایک صبح بیٹی بیلا کو سانس لینے میں تکلیف ہو رہی تھی اور اس کے بال بھی جھڑ رہے تھے۔ یہ دیکھنے کے بعد والدین اسے ڈاکٹر کے پاس لے گئے۔
جہاں بچی کا معائنہ کیا گیا اور بتایا کہ اسے سانس کا مرض ہے تو اب چھوٹی عمر سے ہی اس کی جب طبعیت خراب ہو اسے یہ انہیلر استعمال کرنا ہوگا۔ یہ سننے کے بعد والدین تھڑا پریشان ہوئے کہ بچی کو چھوٹی عمر سے دوائیں لینا پڑیں گی پر ساتھ تسلی یہ بھی تھی کہ چلو کوئی بڑی بیماری تو نہیں ہوئی۔ آہستہ آہستہ وقت گزرتا گیا۔
لیکن اس خوشحال خاندان کی تکلیفیں کم نہ ہوئیں۔ ان پر ایک اور پریشانی تب آئی جب یہ بچوں کے ساتھ چھٹیاں گزارنے کیلئے اسپین گئے تو وہاں اچانک سے بیلا بیٹی کی طبعیت پھر سے خراب ہوئی تو یہ دوبارہ اپنے ملک لندن آئے ، ڈاکٹرز کو دکھایا تو انہوں نے بتایا کہ مختلف طرح کے ٹیسٹ کرنے کے بعد معلوم ہوا ہے کہ آپ کی بچی صرف 2 ہفتوں کی مہمان ہے۔
کیونکہ اسے ایک ایسی بیماری ہے جس میں انسان کے جسم کے تمام سیل ختم ہو جاتے ہیں جس سے انسان مر جاتا ہے۔ یوں اب 21 جولائی آپکی بیٹی کی زندگی کا آخری دن ہے، آپ اس کے ساتھ زیادہ زیادہ وقت گزاریں۔
یہ سننا تھا کہ ماں باپ کی آنکھیں آنسو سے بھر گئیں، پھر آخر کار بیٹی کے دنیا سے رخصت ہونے کا دن آیا تو والدین اس کے کمرے میں داخل ہوئے۔
بیٹی کے سر پر بوسہ دیا، خاندان نے بچی کے ساتھ یادگار تصاویر لیں۔ اس موقعے پر بچی نے باپ کی انگلی مضبوطی سے تھام رکھی تھی۔ اب ٹھیک 30 منٹ کے بعد اللہ پاک کی طرف معجزہ دیکھنے کو ملا کہ وہ بچی جس کے جسم کے تمام سیل ختم ہو چکے تھے اس نے ایک چیخ ماری، ٹانگیں ہلانا شروع کیں۔ جس پر قریب موجود ڈاکٹروں نے فوراََ معائنہ شروع کیا۔
اس وقت معلوم ہوا کہ بچی کو اب سانس لینے کیلئے مصنوعی مشینوں کی ضرورت نہیں ، یہ خود سانس لے رہی ہے۔ کچھ ماہ کے علاج کے بعد بچی اب مکمل ٹھیک ہے اور بھرپور زندگی گزار رہی ہے۔