دنیا بھر میں اسلاموفوبیا پھیلا کر نہ صرف مسلمانوں پر ظلم کیا جاتا ہے بلکہ مسلمانوں کے لئے ہی ہر رنگ نسل کے لوگوں میں نفرت پیدا کی جاتی ہے البتہ حقیقت اس سے کتنی مختلف ہے۔ اس کو جاننے کے لئے صرف یہ ویڈیو یہ دیکھ لیں۔
یہ ویڈیو شمل قریشی نے شئیر کی۔ شمل پاکستان میں "ٹونی اینڈ گائے" نامی مشہور ہئیر سیلون کے مالک ہیں اور کافی معروف ہئیر ڈریسر ہیں۔
نماز پڑھی تو اچانک ایک اور شخص آگیا اور پھر
ویڈیو میں دیکھا جاسکتا ہے کہ شمل نماز پڑھ رہے ہیں اور اسی دوران ایک عیسائی نوجوان آ کر اپنی عبادت شروع کردیتا ہے۔ جب کہ شمل بھی اپنی نماز جاری رکھتے ہیں۔ ویڈیو کے ساتھ شمل لکھتے ہیں کہ" ہم دونوں نے ہی ایسا کرنے سے پہلے ایک بار بھی نہیں سوچا اور یہ ایک دوسرے کے مذاہب کا احترام کرنے کی بہترین مثال ہے۔"
اسلاموفوبیا اور مسلمانوں کا کردار
اس ویڈیو سے یہ بھی واضح ہوتا ہے کہ اسلام تو امن پسند مذہب ہے ہی لیکن مسلمانوں کے خلاف جو نفرت انگیز باتیں پھیلائی جاتی ہیں ان میں بھی کوئی حقیقت نہیں۔ مسلمان امن پسند اور تمام مذاہب کا احترام کرنے والی امت ہے۔