صدرعارف علوی کی جانب سے سپریم کورٹ بارے بل نظرثانی کے لئے واپس بھجوانے پر شیری رحمان نے اپنے ردعمل میں کہا کہ صدر نے بل نظرثانی کیلئے واپس بھیج کر ثابت کر دیا وہ پی ٹی آئی کے سیکرٹری جنرل ہیں۔
پیپلز پارٹی کی رہنما کا کہنا تھا کہ صدر نے پارلیمنٹ کے ہر فیصلے کوپی ٹی آئی کی نظر سے دیکھا ہے،بل موصول ہونے سے پہلے ہی صدر انٹرویو میں اپنا موقف دے چکے تھے، شیری رحمان نے الزام عائد کرتے ہوئے کہا کہ صدراپنی پارٹی پالیسی کی پیروی کر رہے ہیں۔
ان کا کہنا تھا کہ صدر کہہ رہے ہیں کہ یہ بل پارلیمنٹ کے اختیار سے باہر ہے،ساڑھے تین سال صدر ہاؤس کو آرڈیننس فیکٹری کی طرح چلاتے رہے، وہ پارلیمنٹ کے اختیارات سے کیسے واقف ہو سکتے ہیں، انہوں نے صدر سے کہا کہ آپ پارلیمنٹ کو قانون سازی نہ سکھائیں۔