پاکستان کے صوبہ خیبرپختونخوا کے محکمہ خزانہ نے اکاؤنٹ میں پیسے کم ہونے کی بناء پر سرکاری ملازمین کو عید پر پیشگی تنخواہ دینے سے معذرت کرلی ہے۔
چیف سیکرٹری کو محکمہ خزانہ نے مالی مشکلات سے متعلق تفصیلی نوٹ بھجوادیا ہے جس میں تمام تر اخراجات اور محصولات کی تفصیلات بھی بھجوائی گئی ہیں۔
محکمہ خزانہ کا کہنا ہے کہ گزشتہ ایک سال سے صوبائی حکومت کو مالی مشکلات کا سامنا ہے، نوٹ کے مطابق صوبے کے اکاؤنٹ ون میں 13 ارب روپے موجود ہیں۔
جبکہ تنخواہوں کے کل اخراجات 45 ارب روپے ہیں، وفاقی حکومت کی جانب سے اپریل میں صوبائی حکومت کو 20 سے 25 ارب روپے ملنے کا امکان ہے۔
سرکاری دستاویز کے مطابق محکمہ خزانہ تنخواہوں اور پنشن کی پیشگی ادائیگی کی پوزیشن میں نہیں ہے،درخواست کی گئی ہے کہ تنخواہ اگلے مہینے کے پہلے ورکنگ ڈے میں تقسیم کرنے کی اجازت دی جائے۔