کوئٹہ میں آج صبح پولیس آپریشن کے دوران فائرنگ کے نتیجے میں 4 پولیس اہل کار شہید ہو گئے۔
پولیس کاکہنا ہے کہ کچلاک کے علاقے میں مبینہ ملزمان کے خلاف آپریشن کیا گیا، اس آپریشن میں انسدادِ دہشت گردی فورس کے جوانوں نے بھی حصہ لیا۔
اے ٹی ایف ٹیم نے کچلاک میں مکان پر چھاپہ مارا جہاں دہشت گردوں نے پولیس ٹیم پر حملہ کر دیا۔
دوران آپریشن فائرنگ کا تبادلہ ہوا، جس کے نتیجے میں 4 پولیس اہلکار شہید ہو گئے جبکہ آپریشن میں ایک مبینہ ملزم بھی فائرنگ کے تبادلے میں مارا گیا۔
پولیس نے کچلا ک میں آپریشن مکمل کر لیاہے اور علاقے میں سرچنگ اور سوئپنگ کا عمل جاری ہے۔واضح رہے کہ گزشتہ روز کوئٹہ میں دھماکہ ہوا تھا جس میں چار افراد جاں بحق ہو گئے تھے۔