سابق وزیراعظم نواز شریف عمرے کی ادائیگی کیلئے سعودی عرب پہنچ گئے۔
پاکستان مسلم لیگ (ن) کے قائد نواز شریف عمرہ ادا کرنے کیلئے لندن سے جدہ پہنچ گئے۔ سعودی عرب کے کنگ عبدالعزیز انٹرنیشنل ایئرپورٹ پر سیکیورٹی اہلکاروں نے نواز شریف کا استقبال کیا۔
خیال رہے کہ لیگی ذرائع کے مطابق نواز شریف اور مریم نواز رمضان المبارک کا آخری عشرہ مکہ المکرمہ اور مدینہ المنورہ میں گزاریں گے۔ اسی کے ساتھ ساتھ نواز شریف اور مریم نواز سعودی عرب میں شاہی خاندان کے مہمان بھی ہوں گے۔
نواز شریف اور مریم نواز کے ہمراہ بیٹے جنید صفدر، شوہر کیپٹن ریٹائرڈ محمد صفدر، بیٹی مہرالنسا اور ماہ نور صفدر ہوں گے۔
اسی کے ساتھ ساتھ نواز شریف اور مریم نواز سعودی عرب میں شاہی خاندان کے مہمان بھی ہوں گے۔