خیبر پختونخوا حکومت نے عیدالفطر کے موقع پر 6 تعطیلات کا اعلان کردیا۔
نجی ٹی وی ایکسپریس نیوز کے مطابق صوبائی حکومت نے عید الفطر کے موقع پر جمعہ 21 سے بدھ 26 اپریل تک تعطیلات دینے کے احکامات جاری کر دیے ہیں۔ انتظامیہ نے اس ضمن میں باضابطہ اعلامیہ بھی جاری کیا ہے۔
اس سے قبل وفاقی حکومت نے عیدالفطر پر 5چھٹیوں کی منظوری دے دی۔عیدالفطر کی چھٹیوں کی منظوری کابینہ ڈویژن کی سفارش پر دی گئی ہے۔
وزارت داخلہ کی جانب سے جاری نو ٹیفکیشن کے مطابق عید کی چھٹیاں 21 سے 25اپریل تک ہوں گی۔
دوسری جانب وفاقی حکومت نے عیدالفطر سے قبل پیشگی تنخواہ دینے کی بھی منظوری دے دی ہے۔