وفاقی وزیر مذہبی امور مفتی عبدالشکور کی نماز جنازہ کل بروز اتوار ادا کی جائے گی۔
ترجمان جے یو آئی کے مطابق مفتی عبدالشکور کی نماز جنازہ کل2 بجے تاجبی خیل لکی مروت میں ادا کی جائیگی ۔
دوسری جانب مولانا اسعد محمود نے کہا ہے کہ مولانا عبدالشکور کی خدمات کو ہمیشہ یاد رکھا جائے گا۔مولانا عبدالشکور نے ہمیشہ قوم کے موقف کو دنیا کے سامنے رکھا۔
وفاقی وزیر اطلاعات مریم اورنگزیب نے کہا کہ آج جو حادثہ پیش آیا انتہائی افسوسناک ہے،میں نے مفتی عبدالشکور کو ہمیشہ دین اور پوری قوم کیلئے علم بانٹتے ہوئے دیکھا،پوری قوم سے التجا ہے کہ ان کی مغفرت کیلئے دعا کریں۔