اسلام آباد: وائس چیئرمین پاکستان تحریک انصاف (پی ٹی آئی) شاہ محمود قریشی نے کہا ہے کہ جدوجہد عمران خان کی رہائی تک جاری رہے گی۔
وائس چیئرمین پی ٹی آئی شاہ محمود قریشی نے اپنی گرفتاری سے قبل بیان دیا کہ 40 سال تک ایمانداری کی سیاست کی ہے اور میرا دامن صاف ہے۔
انہوں نے کہا کہ مجھے کوئی ملال نہیں اور میں ںے کوئی اشتعال انگیز بیان نہیں دیا جبکہ یہ جدوجہد عمران خان کی رہائی تک جاری رہے گی۔
یہ بھی پڑھیں:
واضح ہے کہ گزشتہ شب شاہ محمود قریشی کو گلگت بلتستان ہاؤس اسلام آباد سے گرفتار کیا گیا جبکہ گزشتہ روز صبح بھی شاہ محمود قریشی کو عدالت سے گرفتار کرنے کی کوشش کی گئی تھی تاہم وکلا نے ان کی گرفتاری کی کوشش کو ناکام بنا دیا تھا۔