موٹر وے ایم فائیو پر ظاہر پیر انٹرچینج کے قریب مسافر بس اور ایمبولینس میں خوفناک تصادم کے نتیجے میں 3 افراد جاں بحق اور 3 زخمی ہو گئے۔
ریسکیو ذرائع کے مطابق حادثہ دھند کی وجہ سے پیش آیا کراچی سے ڈیڈ باڈی لے کر شہر سلطان جانے والی ایمبولینس کی ظاہر پیر انٹر چینج کے قریب مسافر بس سے پیچھے سے ٹکر ہوگئی جس کے باعث ایمبولینس میں سوار 7 میں سے 3 افراد موقع پر ہی جاں بحق ہوگئے جبکہ 4 افراد شدید زخمی ہوئے۔
اطلاع ملنے پر ریسکیو 1122 نے موقع پر پہنچ کر زخمیوں کو ابتدائی طبی امداد دینے کے بعد تحصیل ہیڈ کوارٹر ہسپتال خان پور منتقل کردیا گیا ہے جبکہ موٹروے پولیس کو حادثہ کی اطلاع کردی گئی ہے زخمیوں اور جاں بحق افراد کا تعلق شہر سلطان سے بتایا جاتا ہے۔