شمالی وزیرستان میں لڑکیوں کے دو سکولوں کو بموں سے اڑا دیا گیا

image

صوبہ خیبر پختونخوا کے ضلع اور سابق قبائلی علاقے شمالی وزیرستان کی تحصیل میرعلی بازار میں اتوار کی رات کو عسکریت پسندوں نے لڑکیوں کے دو سرکاری سکول تباہ کر دیے۔

تحصیل میرعلی میں اتوار کی رات کو ہونے والے دھماکوں سے سکول کی عمارتوں کو جزوی نقصان پہنچا ہے تاہم کسی جانی نقصان کی اطلاع نہیں ملی۔

ڈی پی او میرعلی سلیم ریاض کے مطابق عسکریت پسندوں نے لڑکیوں کے دو سکولوں کو نشانہ بنایا۔ ان میں سے ایک گورنمنٹ گرلز مڈل سکول ڈاکٹر نورجنت گل مرحوم کوٹ اور دوسرا میرعلی بازار سے دو کلومیٹر دور جنوب کی جانب دریائے ٹوچی کے قریب گورنمنٹ گرلز مڈل سکول خسوخیل ہے۔

مقامی صحافی رسول داوڑ نے اردو نیوز کو بتایا کہ ’آپریشن ضرب عضب کے بعد پہلا واقعہ ہے جس میں کسی سکول کو نشانہ بنایا گیا ہے۔‘

دوسری جانب محکمہ تعلیم خیبر پختونخوا نے معاملے پر ڈسٹرکٹ ایجوکیشن آفیسر سے تفصیلی رپورٹ طلب کر لی ہے۔


News Source   News Source Text

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US