پاکستان کی معروف آن لائن رائیڈر سروس کو ہیک کرلیا گیا ہے جس کے بعد صارفین کو نامناسب پیغامات وصول ہورہے ہیں۔
اطلاعات کے مطابق پاکستانی بائیک رائیڈر سروس بائیکیا کے صارف کو پاکستان کے حوالے سے نامناسب پیغام موصول ہوا جس کے بعد مختلف صارفین نے یہی شکایت کی۔
بائیکیا ہیک اس وقت ٹوئٹر پر ٹاپ ٹرینڈ بن چکا ہے۔ بہت سے لوگوں کا خیال ہے کہ ایپلیکیشن کو بھارت کی جانب سے ہیک کیا گیا ہے۔ البتہ ایپلیکیشن کی جانب سے اس حوالے سے کوئی معلومات جاری نہیں کی گئیں۔ صارفین کا خیال ہے کہ فی الحال اپنی معلومات ایپلیکیشن پر نہ ڈالی جائیں۔