پاکستان کی اسٹار ماہرہ خان خطرناک حادثے سے بال بال بچ گئیں، اداکارہ نے شمالی علاقوں کی سیر کے دوران حادثے کے بارے میں تفصیلات سوشل میڈیا پر ڈال دیں، مداحوں کے پیغامات کا سلسلہ شروع ہوگیا۔
شمالی علاقوں کی سیر کی تصویر شیئر کرتے ہوئے اداکارہ ماہرہ خان نے لکھا کہ پہاڑوں سے ایک عجیب تعلق محسوس ہوتا ہے جیسے کے وہ ان سے بات کر رہے ہوں ۔اپنی پوسٹ میں انہوں نے مزید لکھا کہ پہاڑوں میں سکون ہے اور انہیں دیکھ کر ایمان کا احساس ہوتا ہے۔
ماہرہ کا کہنا تھا کہ یہ کوئی تشہیری پوسٹ نہیں ہے، گلیات کی سیر کے دوران گھوڑے سے گرتے ہوئے برے حادثے کا شکار ہوئی تاہم وہاں موجود لوگوں نے بروقت مدد کرکے جان بچالی۔
اداکارہ نے ساتھ ہی انہیں بچانے والے شخص کا شکریہ ادا کرتے ہوئے لکھا کہ اگر وہ شخص اس پوسٹ کو پڑھ رہا ہو تو میں اس کی بے حد مشکور ہوں۔ اداکارہ نے ساتھ ہی لکھا کہ میں خیریت سے ہوں الحمدللہ۔