شوبز سے کنارہ کشی کرنے والی سابقہ بھارتی اداکارہ ثناء خان اور مفتی انس کے ہاں بیٹے کی پیدائش ہوئی ہے۔ جس کی اطلاع ثناء نے اپنے انسٹاگرام اکاؤنٹ پر اس ویڈیو کے ذریعے دی۔ ثناء نے اپنی پوسٹ میں لکھا کہ اللہ تعالیٰ ہماری اولاد کو نیک و صالح بنا دے۔
اور اسے خدا کی کتاب کا محافظ بنا دے۔
اور اسے ہماری آنکھ کا تارا بنا دے۔
ہمارے ہاں بیٹے کی پیدائش ہوئی ہے۔
ثناء خان نے ابھی تک اپنے بچے کا نام تو واضح نہیں بتایا البتہ انہوں نے اپنے ماضی کے انٹرویوز میں پسندیدہ نام مُحمد یا احمد بتائے تھے لیکن ابھی تک اپنے بیٹے کے نام کی اطلاع نہیں دی۔ ثناء نے 4 ماہ قبل بتایا تھا کہ اللہ ہمیں والدین بننے کی خوشی دینے والا ہے اور ہمارا بچہ حج کے دنوں میں ہوگا البتہ پیدائش میں کچھ دنوں کی تاخیر ہوئی اور آج ان کا بیٹا دنیا میں آگیا ۔