چیئرمین پارلیمانی کمیٹی انتخابی اصلاحات اور وفاقی وزیر ایاز صادق نے کہا ہے کہ وہ سابق وزیراعظم نواز شریف کو لینے لندن جائیں گے۔
نجی ٹی وی چینل سے گفتگو کرتے ہوئے انہوں نے قائد مسلم لیگ ن نواز شریف سے متعلق اپنی خواہش کا اظہار کیا۔ انہوں نے کہا کہ نواز شریف عام انتخابات سے پہلے وطن واپس آجائیں گے۔ ستمبر میں آنے کے بارے میں ابھی کچح کہہ نہیں سکتا۔
ایاز صادق کا کہنا تھا کہ 13 اگست کو موجودہ حکومت کی مدت ختم ہوجائے گی۔ مدت ختم ہونے کے بعد ایک منٹ بھی ہماری حکومت نہیں رہے گی۔
خیال رہے کہ اسے سے قبل سعودی عرب میں نواز شریف کی زیر قیادت پارٹی بیانیے پر مشاورت کی گئی۔ پارٹی ذرائع کے مطابق بیانیے میں ن لیگ کے سابقہ ادوار کے ترقیاتی منصوبوں کو شامل کیا جائے گا۔
ذرائع کے مطابق نواز شریف کی حکومت ختم کرنے کی مبینہ سازش کا بھی بیانیہ بنایا جائے گا۔ مہنگائی میں پی ٹی آئی حکومت کے کردار اور اہم وجوہات کو سامنے لایا جائے گا۔