سابق اسپیکر قومی اسمبلی اور تحریک انصاف کے رہنما اسد قیصر کے خلاف محکمہ تعلیم میں غیر قانونی بھرتیوں کا مقدمہ درج کرلیا گیا۔
مقدمہ صوابی تھانے میں اینٹی کرپشن صوابی کے افسر کی مدعیت میں درج کیا گیا جس میں سابق صوبائی وزیر شہرام ترکئی، سابق وزیراعلیٰ کے مشیر عبدالکریم خان اور ڈپٹی ای ڈی او کو بھی نامزد کیا گیا ہے۔
اینٹی کرپشن خیبرپختونخوا کے مطابق پی ٹی آئی دور میں سیاسی مداخلت پر میرٹ کے برعکس بھرتیاں کی گئیں ، ترجمان اینٹی کرپشن کا کہنا ہے کہ غیر قانونی بھرتیوں کے باعث قومی خزانے کو ایک کروڑ ، 78 لاکھ روپے کا نقصان ہوا۔