بجلی نہیں، گیس نہیں اور اب پانی بھی نہیں ۔۔ کراچی والوں کے لیے ایک اور بڑی مشکل،
دھابیجی پمپنگ اسٹیشن سے شہر کو پانی فراہم کرنے والی پائپ لائن پھٹ گئی۔
واٹر بورڈ انتظامیہ کے مطابق 72 انچ کی پائپ لائن نمبر 5 صبح 6 بج کر 35 منٹ پر بجلی کے بریک ڈاؤن کے باعث پھٹی۔
واٹر بورڈ کے حکام کا کہنا ہے کہ لائن پھٹنے سے کراچی کو پانی فراہم کرنے والے 7 پمپس بند ہو گئے۔
متاثرہ پائپ لائن کی مرمت کا کام جلد شروع کر دیا جائے گا۔
دھابیجی پمپنگ اسٹیشن کو کے الیکٹرک کی جانب سے بجلی فراہم کی جاتی ہے۔ لہٰذا بجلی ہوگی، مرمت ہوگی تو ہی پانی کی فراہمی ممکن کی جاسکے گی۔ اطراف کے علاقوں میں پانی کی شدید قلت ہونے کا خدشہ ہے۔