پاکستان پیپلز پارٹی کے شریک چیئرمین و سابق صدر آصف زرداری اور وزیراعظم شہباز شریف کے درمیان ہونیوالی ملاقات کی اندرونی کہانی سامنے آگئی ۔
ذرائع کے مطابق وزیراعظم شہباز شریف اور آصف علی زرداردی کے درمیان ہونیوالی ملاقات میں قومی اسمبلی مقررہ وقت پر تحلیل کرنے اور سینئر سیاست دان کو بطور نگراں وزیراعظم لانے پر اتفاق کیا گیا ہے۔
ذرائع نے بتایا ہے کہ وزیراعظم اور سابق صدر کی ون آن ون ملاقات ایک گھنٹہ جارہی۔
خیال رہے کہ گزشتہ روز سابق صدر آصف زرداری، شہباز شریف کی رہائش گاہ ماڈل ٹاؤن پہنچےتھے، وزیراعظم نے آصف علی زرداری کا رہائش گاہ آمد پر استقبال کیاتھا۔