شہر قائد میں ان دنوں موسم کافی خوشگوار ہے۔۔ شدید گرمیوں کے بعد اس طرح کے خوبصورت موسم نے شہریوں کو سکون بخشا ہے اور اب وہ کھل کر بارش ہونے کا انتظار کر رہے ہیں۔
محکمہ موسمیات نے پیش گوئی کی ہے کہ، کراچی میں آئندہ 24 گھنٹوں کے دوران موسم ابر آلود رہے گا اور ساتھ ہی بوندا باندی اور ہلکی بارش کا امکان ہے۔
اسکے علاوہ محکمہ موسمیات کی جانب سے شہر میں تیز ہوائیں چلنے کا خدشہ بھی ظاہر کیا جارہا ہے۔
رپورٹ کے مطابق، شہر میں کم سے کم درجہ حرارت 27.5 ڈگری سینٹی گریڈ ریکارڈ ہوا جبکہ زیادہ سے زیادہ درجہ حرارت 30 سے 32 ڈگری سینٹی گریڈ رہنے کا امکان ہے۔