مصری شخص کے ساتھ شادی کے موقع پر دھوکہ ہوگیا، شہری جسے بیاہ کر لایا وہ دلہن مرد نکلی، شہری نے پنچائیت سے انصاف مانگ لیا۔
واقعہ مصر کے شمالی علاقے میں پیش آیا جہاں ایک شخص نے دعویٰ کیا کہ اس کی بیوی میں مردانہ خصوصیات ہیں۔
نوجوان نے دعویٰ کیا ہے کہ ان کی بیوی کا 9 سال تک مردوں والا نام تھا لیکن نسوانی ہارمونز غالب آنے پر عورت کی شناخت دی گئی۔
مصری شخص کے مطابق 2018 میں رشتہ ان کے گھر لے کر گئے تھے جس کے بعد 2 سال تک منگنی رہی اور پھر شادی ہوگئی لیکن شادی کے بعد بیوی کے مرد ہونے کا انکشاف ہوا۔
ان کا کہنا ہے کہ حقیقت سامنے آنے کے بعد سرجری کیلئے ڈاکٹرز سے رابطہ کیا تو ڈاکٹرز نے بتایا کہ آپریشن صرف اہلیہ کو عورت ثابت کرنے کیلئے ہے لیکن اس کے باوجود وہ عورت کی خصوصیات مکمل طور پر نہیں رکھ سکیں گی۔
اس حوالے سے مصری شخص کی اہلیہ کا کہنا ہے کہ وہ مکمل خاتون ہیں اورشادی کے بعد حاملہ بھی رہ چکی ہیں لیکن شوہر کے تشدد کے باعث بچہ کھو دیا اور شوہر مرد ہونے کا الزام بھی پیسے ہتھیانے کے لیے لگا رہا ہے۔