اداکارہ منسا ملک کا کہنا ہے کہ 15 اگست کے روز علیزے شاہ نے سیٹ پر موجود تمام افراد کے سامنے مجھ پر جلتا ہوا کا سگریٹ پھینکا اور مجھے جوتیوں کے ساتھ مارا، منساملک نے علیزے شاہ پر تشدد کا الزام عائد کرتے ہوئے ان کے خلاف مقدمے کے لیےدرخواست دائر کردی ہے۔
اپنی درخواست میں منسا ملک نے مؤقف اختیار کیا ہے کہ وہ اپنے ساتھی اداکاروں کے ہمراہ ڈرامے کی شوٹنگ کے لیے اسلام آباد کے علاقے بہارکہو میں موجود تھیں جہاں 15 اگست کے روز علیزے شاہ نے سیٹ پر موجود تمام افراد کے سامنے مجھ پر جلتا ہوا کا سگریٹ پھینکا اور مجھے جوتیوں کے ساتھ مارا۔
منسا ملک کا کہنا ہے کہ ’علیزے شاہ ان سے حسد کرتی ہیں جس کی وجہ سے علیزے کی جانب سے سنگین نتائج کی دھمکیاں بھی دی گئیں۔
منسا ملک نے درخواست میں بتایا کہ اس سے پہلے بھی علیزے شاہ کی جانب سے سیٹ پر تنگ کرنے کی ایف آئی آر درج کروائی جاچکی ہے جس کے بعد ڈرامے کی شوٹنگ روک دی گئی تھی ، منسا ملک نے پولیس سے علیزے شاہ کی وجہ سے سیکورٹی بھی مانگی ہے۔