مشیر قانون وزیراعلی پنجاب کنور دلشاد نے کہا ہے کہ چیف الیکشن کمشنر نے پنجاب کے چیف سیکریٹری اور آئی جی کو ہدایات جاری کی ہیں۔
ہم نیوز کے پروگرام ”پاکستان ٹونائٹ ود سیدثمر عباس” میں گفتگو کرتے ہوئے کنور دلشاد نے کہا ہے کہ چیف الیکشن کمشنر نے سہولیات اور شکایات کے حوالے سے ہدایات جاری کیں، اگر کسی کو شکایات ہے تو وہ الیکشن کمیشن سے رجوع کرے ۔
چار وکیل بہن بھائی 4 قومی نشستوں پر امیدوار بن گئے
انہوں نے کہا ہے کہ نوے فیصد لوگوں کے کاغذات نامزدگی خوش اسلوبی سے جمع ہوئےہیں ، الیکشن کمیشن نے کہا ہے کہ ہمیں کسی نے شکایات درج نہیں کرائیں ، ماضی میں بھی کاغذات نامزدگی نہ جمع کرانے دینے کی شکایات آئی تھیں ۔
منحرف اراکین کے کاغذات نامزدگی جمع نہیں کرانے دئیے گئے تھے ،کچھ مکافات عمل بھی ہوتا ہے ، ہمیشہ الیکشن کے وقت پر ایسا ہوتا رہتا ہے ، مگر جو کچھ ہورہا ہے ہمیں بھی دیکھ کر افسوس ہورہا ہے
اُمیدوار گدھا گاڑی پر کاغذات نامزدگی جمع کرانے کیلئے ڈی سی آفس پہنچ گیا
کنور دلشاد کا کہنا تھا کہ وزیراعظم نے بھی تحقیقات کرانے کا کہہ کر سرسری سا سیاسی بیان دیا ہے ، شکایات کے ازالے کیلئے صحیح فورم الیکشن کمیشن ہے ، بار بار الیکشن کمیشن جائیں گے تو بات سنی جائے گی ۔
ایک سوال کے جواب میں ان کا کہنا تھا کہ پی ٹی آئی کا انتظامی ڈھانچہ زمین بوس ہو چکا ہے ، اور یہ بھی بتایا گیا ہے کہ اسکرونٹی کا عمل بھی سخت ہو گا ۔