پی ٹی آئی نے الیکشن کمیشن کیخلاف سپریم کورٹ سے رجوع کر لیا

الیکشن میں لیول پلیئنگ فیلڈ دینے سے متعلق توہین عدالت پر پی ٹی آئی نے سپریم کورٹ سے رجوع کر لیا۔ بیرسٹر گوہر نے توہین عدالت کی درخواست دائر کردی۔

تحریک انصاف نے سپریم کورٹ میں الیکشن کمیشن کیخلاف توہین عدالت کی درخواست دائر کرتے ہوئے اس پر فوری سماعت کی استدعا کی ہے۔

پی ٹی آئی کی جانب سے درخواست میں چاروں چیف سیکریٹریز، آئی جیز، سیکریٹری داخلہ، سیکریٹری الیکشن کمیشن کو فریق بنایا گیا ہے۔

انٹرا پارٹی انتخابات، پی ٹی آئی کی درخواست پر سماعت شروع

درخواست میں موقف اختیار کیا گیا کہ 22دسمبر کو سپریم کورٹ نے کہا تھا کہ الیکشن کمیشن پی ٹی آئی کی داد رسی کرے لیکن حکم کے باوجود شکایات کا ازالہ نہیں کیا۔

درخواست میں استدعا کی گئی کہ عدالت سیکریٹری الیکشن کمیشن کو ذمہ داروں کے خلاف کارروائی کرنے کی ہدایت د ے، مزید استدعا کی کہ پی ٹی آئی کے امیدواروں، کارکنوں اور قائدین کی گرفتاری سے روکا جائے۔

پی ٹی آئی کی جانب سے درخواست میں اپنے امیدواروں کو ریلیوں اور جلسوں کی اجازت دینے کی بھی استدعا کی گئی۔