پاکستان تحریک انصاف کے چیئرمین بیرسٹر گوہر نے بانی پی ٹی آئی عمران خان سے ملاقات کا احوال بتا دیا۔
راولپنڈی میں گفتگو کے دوران انہوں نے کہا کہ سابق چیئرمین پی ٹی آئی سے آج ملاقات ہوئی وہ بلے کے نشان کےفیصلے پر خوش تھے۔
انہوں نے کہا کہ الیکشن کمیشن کے ٹرائل کو عدالت میں چیلنج کریں گے،اس کا کوئی بھی ٹرائل پرائیویسی میں نہیں ہوسکتا۔
مزید بولے کہ الیکشن کمیشن کی ذمہ داری ہے انتخابات کے صاف و شفاف انعقاد کو یقینی بنائے۔
سابق وزیر خارجہ شاہ محمود قریشی کی گرفتاری کے معاملے پر تبصرہ کرتے ہوئے انہوں نے کہا کہ یہ معاملہ الیکشن کمیشن کے نوٹس میں لائے ہیں،پی ٹی آئی کے لوگوں کو ڈرایا اور دھمکایا جارہا ہے، سپریم کورٹ نے شاہ محمودقریشی کو ضمانت دی ہے۔