سابق وزیر خارجہ شاہ محمود قریشی کی صاحبزادی مہر بانو قریشی نے والد کی گرفتاری پر چیف الیکشن کمشنر سے ایکشن لینے کا مطالبہ کر دیا۔
مہر بانو قریشی نے الیکشن کمیشن میں درخواست دائر کی جس میں کہا گیا ہے کہ شاہ محمود قریشی کو غیر قانونی طور پر پابند سلاسل کیا گیا ہے۔
انہوں نے کہا کہ شاہ محمود قریشی کو اغواء کیا گیا ہے، ان کیساتھ سلوک صاف شفاف اقدامات کو متاثر کر رہے ہیں، شاہ محمود قریشی سابق وزیر خارجہ رہے اور ہمیشہ سب کی عزت کی۔
ان کا کہنا ہے کہ پورا پاکستان شاہ محمود قریشی کے ساتھ سلوک کی مذمت کر رہا ہے۔