اسلام آباد۔14جنوری (اے پی پی):الیکشن کمیشن آف پاکستان (ای سی پی) کے ریٹرننگ افسران نے قومی اور چاروں صوبائی اسمبلیوں کی خواتین اور اقلیتوں کی مخصوص نشستوں کے لیے کاغذات نامزدگی کی جانچ پڑتال مکمل کر لی ہے۔
اتوار کو ای سی پی کی جانب سے یہاں جاری کردہ شیڈول کے مطابق ریٹرننگ افسران کی جانب سے کاغذات نامزدگی کی منظوری یا مسترد ہونے کی اپیلیں 16 جنوری تک جمع کرائی جا سکتی ہیں اور اپیلٹ ٹربیونل 19 جنوری تک ان کی سماعت کرے گا۔امیدواروں کی نظرثانی شدہ فہرست 20 جنوری کو جاری کی جائے گی، کاغذات نامزدگی 22 جنوری تک واپس لیے جا سکیں گے اور حتمی امیدواروں کی فہرست 23 جنوری کو جاری کی جائے گی۔