اسلام آباد۔15جنوری (اے پی پی):نگران وزیر خارجہ جلیل عباس جیلانی نے پرامن اور مستحکم افغانستان کے لئے پاکستان کے عزم کا اعادہ کرتے ہوئے علاقائی استحکام کے لئے تعاون بڑھانے کی ضرورت پر زور دیا ہے۔ انہوں نے ایران کے نمائندہ خصوصی برائے امور افغانستان حسن کاظمی قمی سے ملاقات کی۔ دفتر خارجہ کے ترجمان کے مطابق وزیر خارجہ نے پرامن اور مستحکم خطے کے وژن کے حصول کے لئے افغانستان کے پڑوسی ممالک کے اہم کردار پر بھی زور دیا۔ قبل ازیں انہوں نے افغانستان کے لئے پاکستان کے خصوصی نمائندے آصف درانی کے ساتھ افغانستان کی صورتحال اور امن و بات چیت کے لئے علاقائی عمل پر وسیع تبادلہ خیال کیا۔