اسلام آباد۔16جنوری (اے پی پی):وزارت داخلہ نےسوشل میڈیا پر سپریم کورٹ کے ججز کے خلاف مہم پر 6 رکنی مشترکہ تحقیقاتی ٹیم تشکیل دیدی ہے۔انٹیلی جنس بیورو، آئی ایس آئی، پولیس اور پی ٹی اے کے نمائندے کمیٹی میں شامل ہیں۔ وزارت داخلہ کی جانب سے جاری نوٹیفکیشن کے مطابق ایف آئی اے کے ایڈیشنل ڈائریکٹر جنرل کی قیادت میں 6 رکنی تحقیقاتی کمیٹی قائم کردی گئی ہے۔
کمیٹی 15 روز میں وزارت داخلہ کو اپنی رپورٹ جمع کرائے گی۔ٹیم جج صاحبان کے خلاف سوشل میڈیا پر مواد اپ لوڈ کرنے والوں کی نشاندہی کرے گی۔ متعلقہ عدالتوں میں مقدمات چلیں گے۔جے آئی ٹی 15دن میں وزارت داخلہ کو پیشرفت رپورٹ پیش کرے گی۔