اسلام آباد۔16جنوری (اے پی پی):وزارت مذہبی امور نے عازمین حج سے کہا ہے کہ سفر حج پر روانگی سے قبل مناسک حج اور انتظامی امور کی تربیت حاصل کرنا انتہائی ضروری ہے۔ منگل کو جوائنٹ سیکرٹری انتظامیہ و انچارج تربیت حجاج پروگرام کی جانب سے عازمین حج کو ہدایت کی گئی ہے کہ وزارت ایک جامع حج تربیتی پروگرام تشکیل دے رہی ہے جس کے بارے میں عازمین حج کو جلد مطلع کر دیا جائے گا۔ تمام عازمین مناسک حج کی تربیت لازمی حاصل کریں تاکہ وہ حجاز مقدس میں احسن طریقہ سے فریضہ حج ادا کرسکیں ۔