اسلام آباد۔16جنوری (اے پی پی):اسلامی تعاون تنظیم (او آئی سی) اور یونیورسٹی آف مینجمنٹ اینڈ ٹیکنالوجی (یو ایم ٹی) لاہور نے جدہ میں او آئی سی کے رکن ممالک کے درمیان تعلیمی تعاون کو بڑھانے کے لیے مفاہمت کی ایک یادداشت پر دستخط کئے ہیں ۔
او آئی سی میں پاکستان کے فیر/مستقل نمائندے سید ایم فواد شیر نے اپنے ایک ٹویٹ میں بتایا کہ ایم او یو کے تحت یونیورسٹی آف مینجمنٹ اینڈ ٹیکنالوجی کی جانب سے او آئی سی ممالک کے طلباء کے لیے 114 اسکالرشپس پیش کئے گئے ہیں۔ سید ایم فواد شیر نے ایم او یو پر دستخط کرنے کی تقریب میں شرکت کی۔