کراچی۔18جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی جمعرات کو یہاں سینئر صحافی بابر ایاز کے انتقال پر مرحوم کے اہلخانہ سے تعزیت کے لئے ان کے گھر گئے۔ وزیر اطلاعات سندھ محمد احمد شاہ بھی ان کے ہمراہ موجود تھے۔
وفاقی وزیر اطلاعات نے مرحوم بابر ایاز کے ایصال ثواب کے لئے فاتحہ خوانی کی اور بابر ایاز کی صحافتی خدمات پر انہیں خراج عقیدت پیش کیا۔ اس موقع پر گفتگو کرتے ہوئے وفاقی وزیر اطلاعات نے کہا کہ بابر ایاز ایک مخلص، امن پسند اور جمہوریت پسند انسان تھے، بابر ایاز کی صحافتی خدمات کو ہمیشہ یاد رکھا جائے گا۔ انہوں نے دعا کی کہ اللہ تعالیٰ مرحوم کو اپنے جوار رحمت میں اعلیٰ مقام اور لواحقین کو صبر جمیل عطا فرمائے۔