اسلام آباد۔18جنوری (اے پی پی):صدر مملکت ڈاکٹر عارف علوی نے پشاور ہائیکورٹ کے تین ایڈیشنل ججوں کی مدتِ ملازمت میں توسیع کر دی ۔
ایوان صدر کے پریس ونگ کی طرف سے جاری پریس ریلیز کے مطابق صدر مملکت نے جسٹس فضل سبحان، جسٹس شاہد خان اور جسٹس ڈاکٹر خورشید اقبال کی مدت ملازمت میں توسیع کردی ہے۔مدت میں توسیع کا اطلاق 18 جنوری 2024سے جوڈیشل کمیشن آف پاکستان کی جانب سے تعیناتی تک ہوگا۔صدر مملکت نے مدت میں توسیع آئین کے آرٹیکل 197 کے تحت کی ہے ۔